Que podes facer con Peneira?¶

Peneira está dispoñible tanto para dispositivos móbiles como de escritorio. A plataforma aproveita os recursos dispoñibles nos dispositivos móbiles, como a súa cámara, o micrófono, o GPS, etc., para capturar datos fóra da aula.

Nesta sección podes ver algúns exemplos de proxectos posibles onde poder usar Peneira.

Características¶

Con Peneira:¶

Info

Recolle moitos tipos de datos de campo co teu teléfono: números, textos, ligazóns, imaxes, audios, vídeos...
Recolle datos de campo automaticamente no momento da captura (temperatura, estado do ceo, altitude, lonxitude, presión atmosférica, velocidade do vento).
Xestiona os usuarios que queres que participen no proxecto, tanto como colaboradores (con dereitos de administración) como participantes (estudantes/informantes).
Descarga os datos recollidos en formatos abertos (CSV, Json) para poder traballar con eles, analizalos, etc.
Mellora o compromiso e o interese dos participantes no proxecto engadindo unha capa social ao proxecto, con comentarios aos datos recollidos por outros participantes.
Comparte datos observados fóra da plataforma ou garda os datos localmente.
Coñece a localización en tempo real dos participantes: Coa aplicación Peneira, podes ver a localización en tempo real dos estudantes que tes no teu curso (sempre que dean permiso e teñan a aplicación aberta nese momento).
Chat: Existe a posibilidade de ter un chat administrador-participante na mesma aplicación, sempre que o administrador/profesor sexa quen inicie a conversa (este chat non está permitido entre participantes-alumnos).
Usar a aplicación en modo sen conexión: No caso de que non teñas conexión a Internet, Peneira gardará as túas observacións ata que volvas ter conexión, subíndoas nese momento.

Tipos de proxectos¶

Algúns exemplos:¶

Estes son algúns exemplos de proxectos científicos colaborativos nos que poderías empregar Peneira, tanto en ciencias naturais, ciencias sociais, humanidades...

Observación de cambios na natureza ao longo do tempo (observación fenolóxica): Por exemplo, recompilación de imaxes e datos dunha especie ao longo do tempo, ou en diferentes zonas para ver a variación climática e o seu aspecto.
Recompilación de datos para a análise de microplásticos nas nosas praias, monitorización da calidade do aire ou da auga... (usando sensores adicionais e recompilación de datos en Peneira).
Recompilación de vocabulario tradicional para elaborar un mapa lingüístico: Recompilación de palabras tradicionais para poder localizalas no mapa, e así poder mellorar o coñecemento das variantes lingüísticas ou localismos; recompilación de tradicións orais: contos, cancións...
Catálogo local do patrimonio histórico ou natural: Recompilación de datos sobre o patrimonio histórico (castros, igrexas, pontes, lavadoiros...), industrial (antigas minas, forxas, fábricas, etc.), ou natural (ríos, montañas e fervenzas) para poder catalogalos, coñecer o seu estado, etc.
Mapas de recursos ou servizos municipais da nosa zona: Identificación de servizos e a súa dispoñibilidade na zona, ou comparación dos mesmos recursos entre diferentes zonas.
Obstáculos á accesibilidade nunha zona: Recollida de detalles dos diferentes obstáculos (árbores caídas, obras mal rematadas, rochas ou calquera tipo de obxecto que dificulte o movemento das cadeiras de rodas, etc.) na zona, e así poder informar aos usuarios ou ao concello correspondente.

Estas son só algunhas ideas! O máis interesante da ciencia colaborativa é que pode investigar cousas importantes polas que "ninguén pregunta".